葡匯咪走雞葡國餐廳 (Closed)

剛剛準備放工，收到朋友電話話佢本來約好的食伴病倒了，訂了餸菜食飯，馬上需要搵人陪，我剛剛得閒，奉陪到底。早前已經聼過葡𠥔米走雞 Mike's Kitchen 之大名，早已想一試。原來是座落商場一樓的店舖，開揚簡約富色彩。兩個豬仔包熱騰騰上，新鮮香脆，配牛油及橄欖，已經好好食。食了幾様，最喜歡呢兩款。白酒煮紐西蘭刀貝蜆 $245刀貝蜆真的好大隻，大成咁第一次見，肉質鮮又厚，個湯有些鹹水味，唔知道是否想迎做海水的新鮮感覺，仲加了西芹及蒜片，抵食。葡式烤乳豬 $288 1/4只招牌菜式，見到乳豬有油光，已知肥美。果然皮脆肉嫩並重，真心喜歡肥美的人一定滿意。配埋葡式肥仔炒飯食，味道更加濃郁，料好足。服務方面唔錯，出了問題亦友善建議，環境開揚舒適，價錢合理。