Call Me Chef

Open Now

Now Closed

又黎到工廠尋覓美食，見到門口有個蛋糕櫃，我就比入面多款千層蛋糕吸引左。晚餐平均百幾蚊就已經包湯沙律，主食，甜品同飲品。上網睇得知原來係一間由網店變實店嘅餐廳，整體黎講係一間值得支持嘅小店。沙律沙律菜新鮮，仲有蘋果清甜爽口。餐湯係羅宋湯，湯料幾多。香煎柚子雞腿肉配甜蕃茄燴飯 $128雞扒好大塊，唔鞋仲幾滑，因為有柚子醬令到雞扒甜甜地仲多左清新味道。而茄飯真係甜唔酸，好香蕃茄味。封煎北海度帶子配明太子奶油扁意粉 $108 非常推介呢個意粉，奶油味好濃好滑，杰度岩岩好，意粉愈食愈香。帶子大大粒，煎到兩面少少香脆，鎖實肉汁。雪糕雪糕有兩種味道，芒果同曲奇味，兩味道都好濃。香芋奶蓋千層蛋糕 $32芋頭味好濃，好似雪米糍咁濃味，而且口感軟綿綿，又唔太甜。