Cheers (Closed)

旺角黑布街有幾間吧, 真係情有獨中, 我鍾情Cheers俚一間. 點解, 因為入到去同聲同氣囉! 起碼香港人多d吖嘛! 加上佢哋近期全賣港產啤. 原來, 香港出嘅啤酒都唔弱.  加上個老細啲廚藝精湛, 自創咗好幾種美食, 有啲正嘢家陣唔賣; 因為材料貴, 手工又繁複. 好彩我陳村二少, 有口福都試過哂! 話返轉頭先, 嗰日靜靜雞一支公落到去, 問老細有乜好介紹, 佢先嚟俾杯 .....  麥味香濃嘅手工啤我, 叫乜叉名我真係唔知, 反正Cheers俚度, d啤酒啅啅咁轉, 嚟到叫佢哋介紹咪得囉!整埋塊大大件嘅半價竹炭pizza, 你咪話唔過癮呀! 嘆完一杯之後, 梗係encore啦!俚次老細醒呀! 見我刷咗咁大塊pizza, 個胃一定....?? 就酙咗俚杯加咗話梅, 本身都有話梅味嘅手工啤俾我, 叫做第三者喎!嗒落真係正到暈, 飲落濃郁, 睇落 .... 有一種講唔出, 好迷離嘅感覺. 包你哋飲完, 一定愛上咗俚個, 第三者.