名苑酒家

Open Now

Now Closed

去過呢間酒樓幾年，但一次差過一次。中秋叫左個$1880六人套餐，諗住食得開開心心，但啲服務員態度奇差，每次想叫佢地，都超驚俾佢地「疾」或「串」。食物味道尚可但偏鹹，有老人家、細路仔就唔係幾好。食六人中秋套餐八道菜，份量好細，好啦唔緊要，自費加半隻乳豬。終於捱到最後，等上「甜品」，等左一大輪都未出場，寫明係「七彩繽紛慶團圓」，大家都估係乜要咁耐？諗住提吓位侍應姐姐上埋甜品啦，阿姐勁唔耐煩：「你地仲要咩甜品呀？」（心諗：姐姐，我地又煩你，真係對你唔住囉！」之後佢就拎個月餅來，叫我地六個人「分嚟食啦」。嘩，八道菜變七道，真係取巧呃錢囉！掠水！我諗唔會有好多人覺得「值」。冇下次了！拜拜👋🏻。