尚海人家 (宏基商業大廈)

Open Now

Now Closed

千祈唔好以為有米芝蓮同埋發哥嘅加持一定好 ！！！今日路經上環，見到呢間舖頭貼咗發哥張相出嚟咪順便買外賣返公司食，點知中伏。買咗排骨菜飯，大碗雞絲酸辣湯加兩隻招牌生煎飽。首先講吓酸辣湯 ：個湯得個酸字、冇辣味，亦冇食材應有嘅味道，簡直唔似酸辣湯，湯大量打芡，冇乜料，入面幾乎搵唔到雞絲，全部係木耳絲、少量筍絲加幾粒豆腐，湯多過料，所有材料加埋都佔唔整碗湯嘅十分之一。排骨菜飯，排骨好柴、好鹹，調味料過重，令到排骨冇咗應有嘅質感及肉味，而個菜飯份量唔多，淡而無味、亦香氣欠奉。招牌生煎飽係有汁，不過啲肉冇鮮味，完全唔稱得上好食。以上咁嘅水準仲話係由前米芝蓮推介嘅廚師主理，食物水準低成咁真係點收人錢？成套餐加埋 80 幾蚊，咁嘅價錢係上環甚至中環都可以搵到比呢間好好多嘅選擇。