利苑粥麵專家 (Closed)

星期日食晏，1:30同女友係銅鑼灣想搵d粉麵，快快食完上堂，先發現後街間御品軒執咗。係好趕嘅情況下，就入咗利苑，求其點咗：1. 星期日先有嘅鮮蝦雞肉雲吞麵2. 淨水餃其實一入去已經有陣霉味，不過老字號一般都係咁，我地接受到。雲吞麵就好快到，用筷子一攪，已經發覺個麵仲係一餅餅，有幾大舊麵結仲未打開。 而且個雲吞嘅冬菇同雞肉味好唔調和、好怪。 不過咁都唔未算出事，之後碗淨水餃黎埋，女友食到第2隻，就吐咗1舊白色嘅肥膏出黎，因為仲未煮得熟，所以咬唔開！結果，我極速食埋，即刻走人，早知去後街拮魚蛋好過。而家先有時間上開飯，好驚奇佢有咁多好評。咁可能係我地唔岩，唔應該係跑馬日去卦？但係食過一次係咁，我地都真係死心，一定唔會再去。