Video
Read full review
2012-09-09
1765 views
我平日冇打食評既習慣,但係今日食完呢間既BUFFET之後,忍不住要立即上黎打食評!!!!一入到去坐低,出去行個轉,嘩!好似難民營咁…因為D食物好平民化(難聽D係好CHEAP)!!!有一半都係冷盤!一開始,有燒賣,蝦餃等等,因為實在大擠迫,太多人搶,所以好快手咁攞左野食!!!燒賣:好一般,十足阿X羅,7仔十蚊幾粒嗰D咁!蝦餃:皮太黏,一叉就皮同蝦分開左!入面既蝦好咸!!!D鹽好似唔使錢咁!!!雞:都OK,但未至於令我會再食碗仔翅:味道OK,不過D’翅’唔知去曬邊~同街邊十幾廿蚊一碗既有得揮!!過左一陣,我最愛既壽司出場,不過要排隊,喺隊尾大約等3至5分鐘先排到過去,排到去,有個男職員’serve’我地,幫我夾,每次排隊限制攞兩舊!鰻魚壽司:味道唔錯,係佢咁多壽司款式入面最好味既一款,鰻魚唔會太硬,有鰻魚味(街出面賣嗰D有時硬過石頭!);舊飯唔暖,但不至於太難食;咁當然大家要同元X相比,就唔好有太大期望啦(本人經常光顧元X)加州卷壽司:入面係一般既料,青瓜,蟹柳;入口好大陣蟹柳味;其實似食蟹柳多D….不過,以呢間酒店既食物水準黎講,呢個壽司算係入得口,算係上品!帆立貝壽司:塊縮水帆立貝淡而
一入到去坐低,出去行個轉,嘩!好似難民營咁…因為D食物好平民化(難聽D係好CHEAP)!!!有一半都係冷盤!
一開始,有燒賣,蝦餃等等,因為實在大擠迫,太多人搶,所以好快手咁攞左野食!!!
燒賣:好一般,十足阿X羅,7仔十蚊幾粒嗰D咁!
蝦餃:皮太黏,一叉就皮同蝦分開左!入面既蝦好咸!!!D鹽好似唔使錢咁!!!
雞:都OK,但未至於令我會再食
碗仔翅:味道OK,不過D’翅’唔知去曬邊~同街邊十幾廿蚊一碗既有得揮!!
過左一陣,我最愛既壽司出場,不過要排隊,喺隊尾大約等3至5分鐘先排到過去,排到去,有個男職員’serve’我地,幫我夾,每次排隊限制攞兩舊!
鰻魚壽司:味道唔錯,係佢咁多壽司款式入面最好味既一款,鰻魚唔會太硬,有鰻魚味(街出面賣嗰D有時硬過石頭!);舊飯唔暖,但不至於太難食;咁當然大家要同元X相比,就唔好有太大期望啦(本人經常光顧元X)
加州卷壽司:入面係一般既料,青瓜,蟹柳;入口好大陣蟹柳味;其實似食蟹柳多D….不過,以呢間酒店既食物水準黎講,呢個壽司算係入得口,算係上品!
帆立貝壽司:塊縮水帆立貝淡而無味!!超唔掂!
幾轉壽司之後,就係派三文魚既時候,好長人龍!!不過我唔食生野冇食到~
檸檬芝士餅:賣相OK,但入口超甜!!!!好似D糖唔使錢咁要食到人有糖尿病咁!!味道係點我就唔知,我只係知道好甜,放完入口要即時飲水!
朱古力CAKE:賣相好,但冇朱古力味,味道有如過期朱古力,超級怪!!好難食!!!!!
啫喱:原本唔知佢係咩黎,原來係羅記啫喱..入面一粒粒既係蘆薈粟米:唔甜,呢間酒店既食物,應甜唔甜,唔應甜就甜到漏!!!完全唔甜,又冇味!唔知係咪煲過湯!!
鹵水蛋:個樣幾深色下,咬落唔硬皮,仲好咸TIM!!!!!!!雞翼:個樣好深色,好靚,不過唔入味
薯條,薯餅:薯條好過M記,至少有薯味唔太咸,係MOSBURGER薯條既次一等;薯餅似M記,不過呢間酒店冇M記既咁脆炸帶子:炸皮太硬,帶子太淡,一D都唔似帶子,食左一粒已經冇意欲食第2粒
炸三文魚:我冇食,但我媽媽食左,佢話好好味,但因為D三文魚好多骨,食完成口都係骨!!!之後再食其他野D骨都驅之不散!!!而且仲喉嚨頂住唔上唔落!!!
再過一陣,魚,蝦出場!食客聞風而至,相繼爭奪!!!場面壯觀!
魚:太老,鞋既;不過有魚味~佢既肉唔鞋我會食~!
蝦:個樣唔錯,好似好好味咁,但係原來只係金絮其外, 敗絮其中!!!因為係無味架!!!!!!
蜆:殼仲多過肉!我冇食到,但係親戚話都幾好食!湯麵:選擇只有河粉同米線;我想要河粉,但係唔知點解明明BUFFET啱啱開始都可以冇,唯有要米線;米線還可以,牛丸似胡椒丸,龍蝦丸OK,湯底可能稟承健康原則,所以用既係滾水~但係因為一D都唔好食,最後俾左媽媽食!
龜苓膏:入口好甘,少少苦味,幾好
總結:職員服務態度差,對於有食物質素有少少要求既人黎講,都會覺得唔好食!!環境擠迫令人覺得似喺難民營分派食物咁,壽司三文魚刺身又要排隊!!不過以百幾蚊既質素...我媽覺得已經過得去...
Other Info. :
因為佢既食物質素好差,所以我舉起手機想影低出面攞食物既地方,但係呢個時候,被一個戴眼鏡既中年男職員舉起手出言阻止:Hey,呢度唔好影,唔好呀!
不過佢阻得黎我已經影左,佢自己仲好笑地唔自覺入埋鏡!!可以見相中紅圈,嗰個就係佢!!可以見到因為佢出言阻止令我被人注視,以致我行埋位時個個都望住我![IMG:7]可能佢見呢間BUFFET環境唔靚又逼,食物又咁一般,驚死人影低唱衰佢咁!我唔明,現今人人都影相POST上FB,佢竟然可以唔俾人影!
(The above review is the personal opinion of a user which does not represent OpenRice's point of view.)
Post
