華洋書莊

Open Now

Now Closed

真係唔建議嚟呢間餐廳，雖然好係佢嘅地方好有文青feel。但係佢哋嘅食物擺到明係預先整定嘅：意粉嘅options得呢幾個 煙鴨胸，“脆皮芝士腸”，漢堡扒，etc。38蚊抵唔抵就見仁見智。汁有兩個揀，茄汁同白雞汁：佢嘅汁好水之餘仲要好鹹。廚房亦傳出微波爐“叮”一聲。想坐低飲杯嘢？得，30蚊一杯。一樽水甚至一罐可樂都30，仲要唔係冰底。想影相？sorry佢地話影相要租成個場影架😅想做文青影相都唔得佢嘅最低消費係30蚊，我同我朋友入到嚟先知道（因為門口冇寫明），最後我兩個朋友認為唔抵，我就叫佢哋出面等（無奈我已經嗌左，佢仲要話已經整好），我朋友走左之後原先38蚊嘅餐佢就話要charge 番我原價55蚊。之後仲要望住我食晒碟嘢，好唔至在。一句講曬，唔推薦。