Han Ban Korean Restaurant (Closed)

喺附近返工，午餐時間經過，睇餐牌好似幾吸引，第一次嚟食，於是叫咗個牛肋骨湯，佢話係跟埋飯嘅。等咗都有10分鐘，牛肋骨嚟到，真係嚇死你，咁大個煲，得一塊好薄嘅牛肉，同埋一舊骨。食過好多次韓國嘢，真係未試過咁嘅情況，即刻同餐廳反映，個阿姐話係咁㗎啦，我話咁都得，佢仲話呢個餸其實精華係個湯。即刻飲一啖湯，個湯其實同水一樣，完全冇味，嗰塊唯一嘅薄切牛肉，係咬極都咬唔爛嘅。大家可以望吓餐牌張相，佢完全違反商品說明條例。埋單$78。同區一定有更好嘅選擇，冇必要唔好入嚟。