嘉門鐵板燒 (Closed)

一坐低就對住呢個落地大玻璃，真係心曠神怡。作為專業既外賣仔阿銀，我緊係唔會放過呢個咁高級既景色。前菜係茶碗蒸，面頭昆布，食落蛋味濃郁同時又有昆布淡雅清爽，蛋滑無皺皮無乜氣孔。等食期間，見到兩塊厚厚的牛每人份量唔多，但午餐黎講都ok既，畢竟食材高級，相信除左去日本會成塊和牛扒食之外，係香港都無乜幾可。講番個牛，牛香濃郁，脂肪交錯均勻，每嚼一口齒頰留香。配埋野菜中和番油脂，成件事個食感好ok 話哂都係午餐，餐廳都怕你唔夠飽，最後整多個和牛炒飯。係和牛肉碎，不過都ok啦，夠飽之餘，飯粒乾爽，吃落有勁。最後整多個紅豆雪糕，奶香豆味濃，質感介於雪糕同雪葩之間。