杉玉 (惠安苑)

杉玉係壽司郎集團其中一個品牌，路線就唔係迴轉壽司喇，地方闊落以4人台為主。咁岩我地食飯果日做緊PROMOTION, Like 社交平台就送一杯特飲水果茶，我地揀左冇酒精有汽蜜桃茶👍⭐️ 炙燒海鮮丼呢個丼飯性價比極高，有炙燒池魚，炙燒三文魚，炙燒吞拿魚都係燒到半熟，玉子就冇燒過。D餸鋪滿哂個丼飯面，好3D。另外壽司飯用左有壽司郎浸製的茶式甜醋珍珠米，食落格外開胃😋⭐️ 「布袋」14貫鍾意食壽司既一定要點14貫，種類豐富，有甜蝦，和類魚塊同貝類，仲有埋軍艦壽司TIM。咁既價錢，仲咁新鮮，真係值得一試😆