一君士多 (Closed)

呢排一君士多名氣不小，放工後當然要去試一試。叫左比較熱門既霸王麵裏面有鮑魚，廣島蠔，入味花，花膠，帶子粒。鮑魚有2隻，雖然比想像中小，但勝在做得入味同淋滑，花膠還可以比想像中多。廣島蠔味道有鮮味。湯底只有豬骨湯湯底可供選擇，但瀨粉既麵底唔粉，食落去幾爽口唔會容易斷開。當日天氣較熱，所以都點左2杯野飲消消暑下下火。而且呢到有冰室先叫到既特飲龍眼冰同椰汁冰，攪拌後濃濃既龍眼味出開曬黎。蝦餅一份有三大粒，都幾有蝦味，外層脆粉可以更佳，可令蝦餅更鬆脆。雞翼脆口而且內有芝士幾好食，只係較細隻要叫多幾隻食先至夠。