惠 (Closed)

今日公司發放bonus💵，當然要去食返餐好嘢。幾個同事即刻book咗枱，去食午餐嘅Omakase。咁奢華嘅午餐都係第一次食，雖然係大概$1000嘅午餐，但係咁嘅價錢食到廚師發板，真係物超所值💯。入面環境清靜，幾個朋友暢飲，食飯真係一種享受😌。日式茶碗蒸🥚材料超多，入邊有蝦🦐，海帶等等，令到成個茶碗蒸都充滿着鮮味，蛋香十足，夠嫩滑。鰤魚🐠🐟嘅色澤係非常光鮮，佢嘅油脂係好高，所以食落去好鮮甜同埋好軟熟，師傅同我講係好少機會會有呢種魚🐟嘅，今次嚟到有得食真係執到了。煎帶子平時好多地方都會有得食，但係要整得好嘅真係唔多。帶子煎得好香😋，有少少牛油🧈嘅味道。日本生果真係冇得輸，靜岡蜜瓜🍈，超級清甜，而且肉質係比較軟，食落超級juicy。