Video
Read full review
2022-08-09
7168 views
而家天氣咁熱🥵都係喺冷氣地方比較舒服，最啱就係同朋友去酒店食afternoon tea，望住出面嘅風景，嘆下茶，傾下計都幾chill🥶今次就試咗好受歡迎嘅Grand Hyatt Tiffin茶園嘅summer afternoon tea set，預早book定可以坐到窗邊位置，望住出面花園同維港景。食物水準都合理。呢度最吸引係任食crepe、waffle同雪糕counter，不過overall時間比較短，唔太夠時間食出面嘅嘢，如果可以坐耐啲就更好。原味英式鬆餅／杏桃英式鬆餅，配：檸檬忌廉、高脂忌廉、櫻桃果醬下午茶最緊要睇scone嘅質素，呢度嘅scone一開始咬落都鬆化，不過咬多幾啖就feel到有少許漿口🤔如果食嘅時候焗返熱啲會更好。佢嘅clotted cream、lemon curd同果醬都幾好，尤其lemon curd🍋酸酸咪咪好醒胃，大大減低膩感😗😗Sweets夏日雜莓蛋糕、雲尼拿忌廉、蜜糖海綿蛋糕；香蕉拖肥泡芙、雲尼拿忌廉、焦糖醬；榛子朱古力蛋糕、焦糖醬、朱古力脆脆；雙重芝士忌廉蛋糕；熱情果伯爵茶啫喱有幾款甜點都用上時令水果🍓襯返夏天，除咗香蕉拖肥泡芙比較死甜同唔鬆化，味道唔太
原味英式鬆餅／杏桃英式鬆餅，配：檸檬忌廉、高脂忌廉、櫻桃果醬
下午茶最緊要睇scone嘅質素，呢度嘅scone一開始咬落都鬆化，不過咬多幾啖就feel到有少許漿口🤔如果食嘅時候焗返熱啲會更好。佢嘅clotted cream、lemon curd同果醬都幾好，尤其lemon curd🍋酸酸咪咪好醒胃，大大減低膩感😗😗
Sweets
夏日雜莓蛋糕、雲尼拿忌廉、蜜糖海綿蛋糕；香蕉拖肥泡芙、雲尼拿忌廉、焦糖醬；榛子朱古力蛋糕、焦糖醬、朱古力脆脆；雙重芝士忌廉蛋糕；熱情果伯爵茶啫喱
有幾款甜點都用上時令水果🍓襯返夏天，除咗香蕉拖肥泡芙比較死甜同唔鬆化，味道唔太啱我口味之外，其他款式都唔錯，唔會有邊款伏。雜莓蛋糕有唔少berries酸酸地幾開胃；榛子朱古力蛋糕口感脆卜卜，雖然有榛子醬但唔會太甜，食到好濃郁dark chocolate味；雙重芝士忌廉蛋糕幾軟滑；熱情果啫喱就酸甜醒胃，食食下甜點再食呢個就可以解膩。
Savories
英式芒果咖哩雞肉；燒牛肉沙律三文治、辣根忌廉、英式芥辣；虎蝦撻、咯嗲汁；夏日番茄撻、車打芝士忌廉；自家製腸仔卷
鹹點普遍比甜點更好食😋😋芒果咖喱雞肉帶微微香料香味；燒牛肉三文治用上辣根吊味；橄欖形狀嘅虎蝦撻好似分子料理咁😆酸酸咪咪，食到彈牙嘅蝦肉粒；番茄撻都係酸酸地幾清新；腸仔卷酥皮酥脆，配上鹹香腸仔幾好食。
Unlimited desserts (waffles, crepes, homemade ice cream, fruits and petit fours, Chocolate truffles, macarons)
呢度最signature當然係任食counter😍師傅密密整窩夫同crepe，配新鮮水果同超多款口味自家製雪糕食。窩夫軟熟，不過唔夠蛋香；雪糕🍨就幾好食😋試咗薑糖味、creme brulee、朱古力同煙肉花生醬雪糕，薑糖好重薑味但唔會嗆喉👍🏻；花生醬味好濃郁，但唔係太食到煙肉粒；朱古力都好rich唔太甜😛😛；creme brulee就一般。仲有好多其他口味不過試唔到咁多啦🤣
Beverage
Grand Hyatt Hong Kong Bespoke Blend
飲品方面試咗呢款Tiffin獨有嘅blended tea，飲到類似herbs嘅清香，餐牌上寫住混合唔同茶葉，不過飲落唔算好有層次。
人均消費：$440
推介指數（10分為滿分）：7分
Post
