Video
Read full review
2018-11-25
1358 views
行山之後想暴飲暴食慰藉下心靈，以我多年打手filter既經驗篩選到呢間串燒店，隱隱有種好好食既預感，於是特意搭巴士專程黎一試。黑蔥蒜油濃湯稻庭烏冬($52) 加配吉列直蝦 (+$22)一心黎食串燒，老實講完全冇打算叫主食浪費quota，點知見隔離台只係叫左兩碗麵，賣相吸引到即時跟機。好似面盆咁大既和式麵食用料十足，味付竹筍、木耳絲、粟米、赤魚板、糖心蛋同原片紫菜份量毫不手軟，最驚喜係原個充滿蛋香又入味既糖心蛋開邊咁上，豐富到就算唔額外加餸都好滿足。 黑蔥蒜油濃湯離遠已經聞到好香，主調味道係豬骨濃湯，黑蔥蒜香濃郁得黎唔會太油膩，可以輕鬆飲哂成個湯，帶點油份既湯底仲加強左掛湯效果，令軟滑有彈性既稻庭烏冬更美味。貪心如我當然加左吉列直蝦 (+$22)，雖然唔係好大隻既蝦，但外脆內彈牙，炸粉唔太厚，食得出係即叫即炸。 幾欣賞作為配料都有3隻，睇返單價$38/5隻，即時覺得賺左。脆炸芝麻雞翼 ($38) 3隻本來預期係放題個種芝麻雞翼，見面頭冇芝麻略有不同就知係自家製。 同樣係新鮮炸起，不顧辣口都要咬返啖，一口撕開香脆既雞皮就感覺到裡面既肉汁，嫩滑又入味，連雞翼尖都妹埋。川燒原條茄子 ($28)
黑蔥蒜油濃湯稻庭烏冬($52) 加配吉列直蝦 (+$22)
一心黎食串燒，老實講完全冇打算叫主食浪費quota，點知見隔離台只係叫左兩碗麵，賣相吸引到即時跟機。
黑蔥蒜油濃湯稻庭烏冬
$52
60 views
0 likes
0 comments
黑蔥蒜油濃湯稻庭烏冬
$52
46 views
0 likes
0 comments
貪心如我當然加左吉列直蝦 (+$22)，雖然唔係好大隻既蝦，但外脆內彈牙，炸粉唔太厚，食得出係即叫即炸。 幾欣賞作為配料都有3隻，睇返單價$38/5隻，即時覺得賺左。
脆炸芝麻雞翼 ($38) 3隻
本來預期係放題個種芝麻雞翼，見面頭冇芝麻略有不同就知係自家製。 同樣係新鮮炸起，不顧辣口都要咬返啖，一口撕開香脆既雞皮就感覺到裡面既肉汁，嫩滑又入味，連雞翼尖都妹埋。
川燒原條茄子
$28
37 views
0 likes
0 comments
心心念念想食燒茄子好耐，正正做到我想要既原條燒得熟透軟腍，茄子本身幾幼嫩，成條連皮都食得。 面頭鋪滿左新鮮炒至脆口既蒜粒，香口惹味，略嫌淡左少少同比較油。
串燒$12/串，$60半打，所以揀左三款各2串。
33 views
0 likes
0 comments
雞軟骨串 燒得岩岩好，雞軟骨大大粒，軟骨Q彈水潤，如果有窿邊就更佳。 羊肉串同樣軟腍有彈性，醃得幾入味，夠新鮮所以完全唔羶，我少食羊都覺得好味。
全晚最大驚喜就係黑椒豬爽肉串，三大塊厚切豬頸肉油脂甘香，表面微焦脆口，咀嚼下越覺鬆化有肉香，配啤酒一流。 由於太齒頰留香，已經諗定下次再黎直接叫半打豬爽肉串先夠過癮。 此時忍唔住多口問句老細有冇啤酒，原來仲未拎到酒牌，但對面就係便利店，老細都唔介意提議我地去買黎飲。
不得不讚串燒比一般食到既足料，絕對唔係用手指尾咁細既肉粒去敷衍客人，$60半打既價位物超所值，就算單叫串燒食到飽都輕鬆落到樓。
19 views
0 likes
0 comments
牛油燒原條粟米 ($22) 1條
就係一份原條一開二咁霸氣，表面搽左少少醬油去燒，清甜之中又有咸香同焦香。 朋友怕痴牙，諗到不如自製粟米粒方便食，於是問老闆娘有冇餐刀。 見佢面有難色都知冇預刀俾客人用，等左一陣老闆娘好好咁拎左把佢地自用既刀仔黎，招呼周到。
其實我絕少同老細吹水，只係點餐同等食期間明顯感覺到呢度係老闊娘負責招待、老細主理廚房既夫妻小店，間中仲聽到窩心既一句「老公，飲多d水呀」。 當我循例相機食先既時候，老闆娘忽然笑笑口咁話我知邊個位光d會影得靚d，因為佢平時出去食野都會影相喎。
鋪頭細細只得幾台，就係一個行出行入間中會問你覺得好唔好食既家庭式溫馨格局。 岩岩開業一切仲摸索緊，老闆娘要湊B只可以間中黎幫輕下，平時只有老細一腳踢。 但我食得出個份即叫即製、唔會將貨就價既心意同熱誠，係冇大肆宣傳，但晚市都有附近街坊支持，證明有心自然有人會睇到。
價錢實在好相宜，埋單後驚覺甚至唔洗加一，如此質素同服務絕對會再encore。 有心既小店買少見少，有時想支持都因為網絡上寂寂無名而無從入手，惟有簡單寫個食評聊表心意。
Post
