Flame at Towngas Avenue (Closed)

今日去到尖沙咀中港城呢間由towngas所開辦嘅西餐廳食lunch，初頭都唔知邊度係「平台」，原來係條長電梯直上。上到去個環境幾好，又通爽，又有海風，可惜有雨，如果唔係坐外面都幾舒服。餐廳嘅侍應都好有禮貌，係少有地咁有禮貌所以呢樣要加分今日嗌咗一份七成熟羊扒薯菜同五成熟肉眼扒薯菜，羊扒方面，羶味唔太重，肉質嫩，而且入味，相反肉眼扒就相對地比下去，牛肉味係有，不過可能食完羊再試件牛，覺得唔夠味。薯菜就係小薯仔加秋葵加蕃茄，感覺都幾新鮮！之後仲叫咗份心太軟，認真好甜，唔食得太甜嘅真係揀過第二份甜品好彩我都可以食得好甜，頂得順！