一番風味 (Closed)

星期六喺灣仔做嘢，午飯時間想食個快飯，行過見到呢間一番風味門面貼左好多訪問同介紹，好啦，就入去試吓先。午市個餐牌睇落都好吸引，有好多特別菜式選擇。呢期鍾意食雞，叫咗個鹹香雞試吓。上菜時間都好快，雖然睇落唔算十分美觀，雞嘅數量都唔少。味道方面就一般，喺唔係好入味嘅情況下又無醬油薑蓉點，就有點兒那個。如果上菜前睇到雞毛，其實可唔可以處理一下先⋯⋯服務方面，應該怪人手太充裕，定係星期六午巿客人少？兩位樓面悶到縮咗入去走廊度襟手機，連埋單都要個客叫先睇到，雖然係好爽手，但感覺就唔係太好。聽聞晚巿就好出名，搵日有閒情逸致先考慮再試試。