Video
Read full review
2024-08-13
1866 views
同朋友約咗去啟德行街，晏晝行airside原本諗住去五樓食foodmuse，見到側邊有間泰國火鍋幾好view，想坐得舒服d就去咗四面泰食。餐廳環境都係泰國悠閒風，有大窗可以睇風景，窗外雖然見到對面地盤起緊，但望到藍天白雲心情即刻好好多。餐廳侍應都nice嘅，因為我唔食牛，一人一鍋就唔怕要就嚟就去啦。我地幾個人分別揀咗三個餐，三款湯底，三款特飲😂😂侍應仲同我地介紹返每隻醬料點咩食最好，另外仲有無限量炸蝦片提供，btw，蝦片夠哂脆係好食嘅。美國特色肥牛套餐美國嚴選牛板鍵套餐西班牙黑毛豬腩肉套餐每個餐都跟咗蔬菜，菌類，仲有泰式船麵河粉，份量都幾足料。特別要讚，佢地個椰奶雞湯鍋真係好濃，好好飲，我連飲咗兩碗。加湯果陣侍應係用原湯加湯，呢個真係好加分。泰式芒芒碌碌，蝶豆花青檸梳打水，泰式手標波波奶茶泰式手打蝦餅夠厚夠彈牙，香茅雞翼點醬食都唔錯。食到咁上下，侍應拎咗碗甜品嚟，佢話慶祝新店開張，今個月31號前，每位客人都會獲送一碗賓粉爽椰椰，係個有冰粉、生果、椰肉珍珠整出嚟嘅甜品。味道幾好，椰汁味幾重，口感幾得意。同fd一邊吹水一邊食咗兩個鐘，飽到捧住個肚走。lunch打邊爐食到咁飽真係好滿足，ha
餐廳環境都係泰國悠閒風，有大窗可以睇風景，窗外雖然見到對面地盤起緊，但望到藍天白雲心情即刻好好多。
餐廳侍應都nice嘅，因為我唔食牛，一人一鍋就唔怕要就嚟就去啦。我地幾個人分別揀咗三個餐，三款湯底，三款特飲😂😂侍應仲同我地介紹返每隻醬料點咩食最好，另外仲有無限量炸蝦片提供，btw，蝦片夠哂脆係好食嘅。
美國特色肥牛套餐
美國嚴選牛板鍵套餐
西班牙黑毛豬腩肉套餐
每個餐都跟咗蔬菜，菌類，仲有泰式船麵河粉，份量都幾足料。
特別要讚，佢地個椰奶雞湯鍋真係好濃，好好飲，我連飲咗兩碗。加湯果陣侍應係用原湯加湯，呢個真係好加分。
泰式芒芒碌碌，蝶豆花青檸梳打水，泰式手標波波奶茶
泰式手打蝦餅夠厚夠彈牙，香茅雞翼點醬食都唔錯。
食到咁上下，侍應拎咗碗甜品嚟，佢話慶祝新店開張，今個月31號前，每位客人都會獲送一碗賓粉爽椰椰，係個有冰粉、生果、椰肉珍珠整出嚟嘅甜品。味道幾好，椰汁味幾重，口感幾得意。
同fd一邊吹水一邊食咗兩個鐘，飽到捧住個肚走。lunch打邊爐食到咁飽真係好滿足，haha..😂.
Post
