曜 (Closed)

曜既師傅真係匠心獨運，每次都食到我驚喜連連，今次去食午市定食，又係好正花膠雞湯果凍：雞湯被凝固成果凍，入面放咗花膠碎，另外配上酸汁幾開胃魚湯:好濃郁既魚味，用兩款唔同嘅魚熬製而成茶碗蒸:上面鋪咗少少大閘蟹嘅蟹黃調味,伴松葉蟹丶毛蟹蟹肉，各種蟹肉味道互相平衡，另外有栗子蓉鋪底和牛丼飯：簡單用洋蔥同和牛一齊炒，調味幾濃郁，和牛嘅油脂同埋香味滲入白飯刺身定食：中拖羅、深海池魚、鯖魚、劍魚腩丶蝦丶八角魚包海膽，刺身新鮮，深海池魚嘅味特別香濃，中拖羅略有油脂，我最鍾意就梗係海膽，由於八角魚比較清甜，所以都唔會搶走海膽嘅味道，反而有一個平衡