稻成 (東薈城名店倉)

Open Now

Now Closed

送完朋友上機，諗住黎東薈城食一直想試既酸菜魚，平日午市黎冇乜客，我哋一行2人，門口灰色西裝衫餐廳經理叫我哋坐勁細既2人枱，我哋友善地問可否移去大張少少既枱，佢就話個啲要4個人先坐得，午市一陣會多人，唔轉得過去，話一陣叫多啲野食幫我哋睇下點，聽完我哋已經一肚氣，明明勁冷清既12點零，入面得幾枱客都唔俾我哋坐得舒服啲，唔明原因何在？ 黎左啲菜後，我哋再request要張大啲既枱，因為根本放唔落我哋黎緊order左既酸菜魚，另一同事就話泊埋另一張枱埋黎，我哋都覺得無奈，落單已經知啲餸唔夠位放啦係都唔轉，泊完個位就咁樣本身餐廳係中價位，唔係叫好平，2個人叫酸菜魚套餐埋單都$400多啲，但一啲服務質素都冇，唔怪得冇乜人食啦！本身好期待既酸菜魚符合預期，2個人食唔算大份，前菜小食酒曹醉雞唔錯有酒香入味，麻辣炒菜花都ok味精較多食完有啲口渴，個底都略油。