Video
Read full review
2009-05-06
6 views
上個月，我同朋友一齊食午飯，揀了Todai。未入去就好似幾靚，入去就唔知點講好啦，坐似D無背脊位，又唔舒服，都唔知邊個設計！冷盆就攞咗D香草青口，蟹鉗，和風豆腐，壽司試吓，呢D都唔錯啦。但係中華沙律，八爪魚仔，辣三文魚，咁普通，我就唔會食啦，所以都無去攞。熱盆就攞咗D燒羊肉，天婦羅，日式蒸蛋，燒魷魚，炒飯試吓，食落亳無特別。甜品就攞咗D雪榚，Pancake，蘆薈粒，Cheese Cake，算係不過不失咁啦。前幾日，我老闆請食晚飯，結果食返呢間，所以就照食，呢次好彩啦，安排坐圓枱。冷盆變化比較多，有長腳蟹，生蠔，泡菜，辣蘿蔔，魚生，海膽壽司，感覺鮮味不足。熱盆變化唔大，有燒牛肉，天婦羅，日式蒸蛋，燒魷魚，炸軟腳蟹試吓，味道差唔多啦。見到啲人排隊，咁咪排攞，D龍蝦每次要等十五分鐘，每次出都得廿零三十隻，點夠咁多人分呀？我排咗六七次都攞唔到呀！！甜品變化基本上一樣，有梳扶里，雪榚，焦糖布甸，Tiramisu，亳無變化，味道一樣。飲品要另外比錢，仲要叫你先至識refill D飲品，又成日問你要唔要Order D飲品，問咗幾次啦，都唔知佢想點。至於D服務真係不予置評，又要付加一服務好費，真係有D
冷盆就攞咗D香草青口，蟹鉗，和風豆腐，壽司試吓，呢D都唔錯啦。但係中華沙律，八爪魚仔，辣三文魚，咁普通，我就唔會食啦，所以都無去攞。
熱盆就攞咗D燒羊肉，天婦羅，日式蒸蛋，燒魷魚，炒飯試吓，食落亳無特別。
甜品就攞咗D雪榚，Pancake，蘆薈粒，Cheese Cake，算係不過不失咁啦。
前幾日，我老闆請食晚飯，結果食返呢間，所以就照食，呢次好彩啦，安排坐圓枱。
冷盆變化比較多，有長腳蟹，生蠔，泡菜，辣蘿蔔，魚生，海膽壽司，感覺鮮味不足。
熱盆變化唔大，有燒牛肉，天婦羅，日式蒸蛋，燒魷魚，炸軟腳蟹試吓，味道差唔多啦。
見到啲人排隊，咁咪排攞，D龍蝦每次要等十五分鐘，每次出都得廿零三十隻，點夠咁多人分呀？我排咗六七次都攞唔到呀！！
甜品變化基本上一樣，有梳扶里，雪榚，焦糖布甸，Tiramisu，亳無變化，味道一樣。
飲品要另外比錢，仲要叫你先至識refill D飲品，又成日問你要唔要Order D飲品，問咗幾次啦，都唔知佢想點。
至於D服務真係不予置評，又要付加一服務好費，真係有D貼錢買難受的感覺。
老闆攞成二千幾蚊出嚟埋單跟住就去攞車啦，令人意想不到在咁大個美麗華商場裏消費，竟然連泊車優惠都無，真是有點可笑。
好老實說尖沙咀都有三四星級酒店，午市都有生蠔同魚生食。
整體來說，午市同晚市，差不多幾乎一樣。
仲嚟唔嚟食 – 哼！！！
Post