巴西燒烤餐廳 (Closed)

今日中午12點我同友人享用燒烤自助午餐,標價為58元。進場後發現自助餐台上的食物種類與廣告完全不乎,廣告中標榜的是大量日本壽司,海蝦及生蠔等等,但現實係一樣都無。諗住都算數啦,我地特意係去食燒烤食品。點知道最不憤的事就發生了,由於我係第一輪食客,所以我好肯定唔關食物出場的次序循環問題。佢出左6次肉腸,5次火腿肉,4次粟米,4次燒菠蘿,2次雞脾菇,2次雞腎,1次羊肉,1次金沙骨,1次燒春雞。由於佢常先出又平又飽的肉腸及火腿等食物,侍應問左我地幾次我地都唔再要,於是佢主動問我地係唔係唔再需要燒烤食品,我地問佢仲有冇其他野食例如牛肉咁,佢竟然話無,佢地餐廳咁多牛標誌(所示係半張台紙),竟然話無牛類供應,完完全全係誤導食客,如果唔提供任何牛類食品,點解佢地的台紙吸引人去食就係兩隻牛?如果係晚市先有牛而午市沒有,點解佢地唔話比客人知又唔表明?另外果半張台紙仲要係印左多種牛肉,有牛扒,燒牛肉,牛仔骨等。我地覺得比呢間野呃左錢。唔知佢地係蝦我地係學生,定係一向做生意手法都係咁奸。