但馬屋 (新都會廣場)

Open Now

Now Closed

一人午餐，突然想火鍋，見到60分鐘，單碟肉，可任食丸、菜、飲品和雪糕，埋單$109。好吖！湯底有多款，我唔記得名，如：鰹魚湯、蕃茄芝士、麻辣、美肌等。我揀了美肌，湯底有三件雞件。湯底鹹味同薑味以外，我唔覺什麼特別。我揀了湯就去執野食。外邊可揀的，有生菜、羽衣、娃娃菜、小豆苗、珍珠菇、金菇、芽菜等。另一邊有幾款丸、蟲草花、冬瓜、豆卜、芋絲、芋頭、雲耳、海帶、烏冬、拉麵等等。執了回座，職員已放置了湯底。我放入要煮的，再出去攞雪糕，有四款，味道👌。回座湯已滾，可以放菇類及丸，然後吃住雪糕等。開始碌肉，有豬同牛，切得薄，不是冰塊，所以一碌就食得。鮮肉色幾靚，煮後食落都唔錯。前後食了兩轉菜雜料，勁飽。後來才發現，烏冬質素很不錯，都彈牙哩！職員有禮，店也算企理，一百元都抵食。一個人夠時間食飽的，但二人結伴又談話就很趕了。