Ocio (東港城) (Closed)

坑口站東港城有間《Ocio》，裝修簡約，以木系為主，有種大自然氣息，而且空間感大，座位寬闊，感覺休閒自在。午市套餐選擇豐富，包了餐湯和飲品，而且可以配搭不同小食，每款都相當吸引。左揀右揀，叫了兩個，打算和朋友share食：- 意大利豬面頰肉配南瓜意大利飯- 香煎石斑柳伴薯蓉香草忌廉汁- 韓式雞鎚（追加）- 綠茶紅豆麻糬窩夫，雲呢拿雪糕嘩！主菜一上，估唔到份量咁驚人，我可以講比起其他餐廳起碼多20%！就連追加小食的份量都好足，我覺得同一個主餐冇分別。韓式雞鎚五大件，仲有好多薯條放底，非常飽肚！新鮮炸甜甜辣辣好惹味！講返主菜，意大利飯是熟透的，如果唔鍾意食半山熟的意大利飯，呢個一定好啱食。南瓜蓉相當美味，將鹹香味的豬面額肉切成細粒拌飯，非常美味！香煎石斑柳一樣大大份！將外皮煎香，魚肉嫩口！最愛香草忌廉汁，再拌薯蓉和鮮味魚肉，清香可口！至於甜品，四片窩夫份量一樣大滿足！綠茶夾心窩夫加麻糬，煙煙韌韌，加上雲呢拿雪糕，雖然已經超級飽，但一樣越食越想食！整體感覺的確係美味又抵食，午餐水準，餐廳舒適度，份量和價錢綜合而言，性價比相當高！