鮪世市場 (鴻威大廈) (Closed)

見到壽司，刺身，又會想念日本旅行的時光放工經過花園街本想買外賣，但想對自己好的跟同事仔食完再回家工作見到餐廳午市套餐都好抵食套餐有麵豉湯，蒸蛋，沙律。沙律菜夠凍夠爽脆，蒸蛋很滑面，唔會過熟，麵豉湯料都好豐富。火灸鰻魚丼鰻魚飯以我一個女人仔黎講都已經夠飽，米飯用上珍珠米，壽司飯醋味芳香。鰻魚一分為四左右，上層沾滿醬汁味道，鰻魚是蒲燒，口感富軟滑感，肉質豐厚而且甘香，魚骨幼到食到落肚，仲有印有餐廳名字的玉子燒，微甜好食。灸燒壽司盛有燒玉子，火炙三文魚，火灸蟹棒，火灸白身魚，火灸左口魚裙邊，香蔥吞拿魚蓉卷。香蔥吞拿魚蓉卷很鮮味，吞拿魚肉色澤粉紅亮澤,食落很綿滑，除了它之外，其他都係火灸。全部都燒到微焦，其中印象深刻係左口魚裙邊壽司，食落去魚油甘香。整體環境很乾淨，午市套餐真係好抵食。