申子居酒屋

Open Now

Now Closed

係旺角講起日本菜一定會諗起呢間，餐廳環境舒服之外食物仲好高質，而家午市套餐仲做緊買一送一，好抵食🥘壽喜燒定食（$143）呢個壽喜燒定食真係好好味。牛肉牛味濃郁而且份量仲好多，生蛋黃令牛肉入口更加嫩滑。湯底既甜味較得岩岩好唔會死甜。再加上大量新鮮既蔬菜，可以平衡返牛肉既油膩感🍜燒鳥串定食烏冬（$119）月見免治雞肉串既蛋黃同雞肉配塔永遠都咁夾，雞軟骨口感爽脆，雞心既味道獨特，大蔥雞肉串同雞翼都好入味。魚湯烏冬既湯底濃郁，烏冬亦好彈牙。👅極上塩燒牛舌芯（$88）呢度既極上塩燒牛舌芯必食，牛舌厚切而燒得恰到好處，外面焦白得黎裡面仲好軟嫩，調味適中，唔會太鹹，保留左牛舌既鮮味同柔軟既口感。