Video
Read full review
2013-03-10
13 views
最近真係太忙喇，約試食時間都好難約，多謝老友食家嘅邀請，最後我哋係星期六嘅下午去試食。原本約咗十二點，不過今日人多車多，攪到我遲咗少少。餐廳位於登龍街，位置都幾方便。 時間尚早，只有一檯客人進食中。餐廳正正方方，裝飾簡約。我們被編排於角落嘅位置，自成一角。由於餐廳負責人未返，我們就影吓相，看吓餐牌先。店員奉上熱茶，我們一邊等，一邊看餐牌，一邊傾計。由於抱恙在身，不停飲茶，未食已經飲咗好多茶。 午市試食都係第一次，當然係叫午市套餐，套餐選擇多，真係揀咗好耐。最後就決定叫壽司定食奪餐，加刺身盛。而小食就叫了安格斯香蔥牛肉卷和汁燒鰻魚。刺身盛跟餐加錢 ($108) 有12切，有帶子，三文魚，吞拿魚，甜蝦等，都幾厚切，賣相都唔錯。唔知係咪病緊，口淡淡，食唔到刺身嘅鮮味，同埋款款都差唔多味，今次真係食不逢時，病咗，試唔真啲味，食評唔夠中肯。安格斯香蔥牛肉卷 (Grilled Angus Sliced Beef Roll with Spring Onion) $120安格斯牛扒就食得多，牛肉卷都係第一次食，牛肉片似肥牛，肉汁都幾豐富，包住勁多香蔥，真係好有特色。汁燒鰻魚 (Grilled Eel)
時間尚早，只有一檯客人進食中。餐廳正正方方，裝飾簡約。
我們被編排於角落嘅位置，自成一角。
由於餐廳負責人未返，我們就影吓相，看吓餐牌先。店員奉上熱茶，我們一邊等，一邊看餐牌，一邊傾計。由於抱恙在身，不停飲茶，未食已經飲咗好多茶。
午市試食都係第一次，當然係叫午市套餐，套餐選擇多，真係揀咗好耐。
最後就決定叫壽司定食奪餐，加刺身盛。而小食就叫了安格斯香蔥牛肉卷和汁燒鰻魚。刺身盛跟餐加錢 ($108) 有12切，有帶子，三文魚，吞拿魚，甜蝦等，都幾厚切，賣相都唔錯。唔知係咪病緊，口淡淡，食唔到刺身嘅鮮味，同埋款款都差唔多味，今次真係食不逢時，病咗，試唔真啲味，食評唔夠中肯。
安格斯香蔥牛肉卷 (Grilled Angus Sliced Beef Roll with Spring Onion) $120安格斯牛扒就食得多，牛肉卷都係第一次食，牛肉片似肥牛，肉汁都幾豐富，包住勁多香蔥，真係好有特色。
汁燒鰻魚 (Grilled Eel) $88嘩！啲汁多到呢半浸鰻魚，鰻魚好軟好腍，醬汁味十分濃，沖破咗我口淡淡嘅味覺，真係好濃味。
壽司定食 (Assorted Sushi Set with Udom Noodles) $128
跟住到我嘅壽司定食，壽司定食份量都唔少，平時好多壽司定食唔配烏冬，又啲就因為有烏冬，又唔會俾湯，總係欠一樣。呢個定食就唔同，前菜，沙律，漬物，白飯，味噌湯，烏冬樣樣有。壽司有三文魚，吞拿魚，魷魚，海膽等，仲有6 件小卷物，壽司本身加了 Wasabi，但係因為我本身唔食 Wasabi，所以在唔知情下食第一件覺得好辣，除咗食到海膽嘅甘味，其他魚類我都食唔出味，真係唔好意思，病到失咗部份味覺。前菜同漬物都係醃物，中規中矩，食得出醃咗嘅味。沙律蔬菜食落好爽口。味噌湯應該都平時飲嘅差唔多味，不過我飲落係淡。烏冬唔知係咪手打，不過見到有角位，應該係機製，食落都算彈牙。
食完之後，就攞鎖匙去餐廳出面嘅洗手間，女洗手間其實係殘廁係同一格，咁如果係男性傷殘人士，唔通都係入去女洗手間？我慣性地打開到門，點知，Oh My God！洗手間入面有位女士，眼前紅色衣著一閃，我當然好驚嚇咁就即刻關門，對方就好狼狽趕上前鎖好到門。輪到我入到洗手間，我就特別鎖好到門，除了本身按入去個鎖頭位粒掣，另外有一個勾，總之有咩就鎖咩，剛巧有手機在身，真係驚嚇到要即刻同老友食家 whatsapp 匯報。Post
