肥龍拉麵小籠飽上海料理 (Closed)

相信大家平時食小籠包都係啲餐廳度連埋其他小菜一齊叫，一個人都起緊食成百幾二百。估唔到呢度又可以跟個套餐一齊叫喎，自選一個麵，就可以點一個點心。身為小籠包fan梗係點番小籠包啦，埋單58蚊有埋野飲冇加一。不過包個杯野飲只係奶茶咖啡檸茶檸水，豆漿要再另加錢呀。今次叫左個牛𦟌麵，一上真係嚇左一嚇，個麵底勁大份，見到都飽左一半😂牛𦟌就正常份量啦四五塊。食落去係好清淡，個湯同麵應該冇乜點調味，牛𦟌好林，都唔錯。小籠包一個餐係包四粒嘅，都算多汁，不過不失。野飲我叫左奶茶，一般啦，同埋食呢啲都好似配豆漿夾啲，大家唔介意加錢都係飲豆漿比較好！