北京老家 (Closed)

大熱天時，路過呢度，就去咗試，午餐價錢，大概$70有找，最平四十幾麵餐都有，套餐包括主菜，湯，小食，飲品，甜品，不過今次嚟，可能因為疫情關係，所以湯同甜品，係冇嘅，只有主食。羊肉湯麵，真係推介，味道好濃，但係唔會腥，而且好足料，肉嘅份量好多，碗麵都好大，仲有三隻餃子，或者春卷，都算抵食。糖醋魚吃飯，魚的確炸得好脆，粉漿稍為厚咗少少，果汁真係好食，因為食過好多間，啲汁都會偏酸，或者食到味精好重，佢呢個唔會，酸酸甜甜，剛剛好。可惜午市過嚟，而家冇晚市，如果唔係，都好想試吓佢個片皮鴨，係咪真係咁好食。