Running 燒 (Closed)

早兩日朋友帶我嚟Running燒，我之前未食過，所以第一次食都幾期待。我哋係午餐時段食，有六折優惠，大概$180左右已經連埋加一，食足120分鐘。外面實在太熱，一坐低就出去攞飲品😜任飲放題之中，呢度選擇算係好多。我就梗係飲最愛嘅荔枝玉露啦🤣平時韓燒豬扒或者豬頸肉就見得多，呢度竟然有豬腸🥰豬腸好Juicy，入口美味無比，完全冇豬嘅蘇味。另外牛肉亦都好高質，牛味突出，其實都仲有好多小食叫，不過真係食唔落啦🤣期待下次再過嚟試埋其他食物。