醉忘魚屋 (Closed)

銅鑼灣新開咗間日式居酒屋，lunch time試咗兩款午市套餐，食物質素及性價比都ok😌午市套餐均包括前菜、沙律及味噌湯，當日前菜係帶子裙邊，入口惹味爽口，沙律及味噌湯則屬正常發揮😌🇯🇵三文魚親子丼（$118）三文魚厚身且份量不少，鋪滿晒飯面，配搭三文魚子撈飯同食，入口有魚油香之餘，更帶鹹香，除價錢有驚喜，感覺亦好滿足😌🇯🇵醉忘精選刺身5點配御飯（$228）刺身包括油甘魚、金目鯛、牡丹蝦、吞拿魚赤身及帶子，每款都好新鮮，當中特別鍾意油甘魚，入口肥美厚身，更嘗到魚嘅天然鮮甜；其次係金目鯛，與梅子啫喱同食，味道酸酸地且更能提鮮😌