尚八日式燒肉店 (Closed)

較早之前，我睇過尚八嘅某社交平台，知道佢哋有個午市定食做緊優惠價，咁我當然要去荃灣試吓啦！大約中午兩點左右我跟女友到達，咁詢問他們午市時段是幾點至幾點，原來是11點至三點截單，客人可以坐到3:30 ，之後就中午休息，上到去見到有個任食燒肉餐牌， $108任食，但是沒有任何牛，其實價錢都唔貴但我今日真係想食和牛，午市定食是需要問他攞餐牌的因為她是沒有擺出來的，雖然我哋食平嘅定食，但是職員都冇嫌棄我們，好細心講解給我們聽，非常好，最後我和女友都叫咗兩份和牛三品定食，都是$58一份，一份定食仲有份前菜送俾你，仲加埋碗麵豉湯真係超值，好快就到和牛，和牛超正。入口即溶，超有牛味！一定會再來。