圓老爺大排檔

Open Now

Now Closed

重陽節長週末好多人離港，條街都幾靜，經過圓老爺，見未食晏就入去食過午餐先。兩點鐘嚟到全店滿座，去撘枱先😆餐牌選擇甚多，睇完一圈決定點客飯套餐。⭐豉蒜涼瓜炒牛肉朋友點咗涼瓜炒牛肉，即叫即炒，上枱時熱辣辣香噴噴，涼瓜爽口唔苦，牛肉嫩滑，加上個豉椒醬汁好惹味，送飯一流🤤⭐千島豬扒見隔離枱食緊千島豬扒好似好正咁，自己又點一客先。大大碟好抵食，豬扒切條，大約有八條，淡淡肉只有少少骨頭，千島沙律醬甜甜酸酸好好味🤤⭐白飯跟餐白飯一大碗，十分飽肚。⭐咸柑桔 & ⭐天地壹號餐廳無水吧，只有樽裝同罐裝飲品，雪櫃自取，朋友揀咗咸柑桔，自己就要咗天地壹號，呢款蘋果醋唔係間間餐廳有，哈哈，真係幾好飲㗎。原來餐廳會落場，食到三點左右就收爐了，想食真係要早少少入嚟啦。