坤記煲仔小菜

Open Now

Now Closed

今日一行三人去坤記食碟頭飯，係西營盤黎講佢都算大碟夾抵食，午市去坤記係可以直入唔似晚飯咁要訂枱，當然午餐係冇佢最出名嘅煲仔飯。一行三人睇餐牌，我當然揀最平嘅碟頭飯，椒鹽豬扒飯，一上枱超大碟，唔記得叫少飯多汁添。肉排肉質唔難咬但冇菜，多返條菜就好了，加杯熱奶茶，完美。友人A叫肉絲炒河，多芽菜多獻汁，好易就淸哂一碟，但是，對於女仔來說就份量多左少少。友人B叫左菜遠肉片河，有少量芽菜，但有菜遠，肉片都幾滑，多獻汁，又係大大碟！結論：下次叫下炒河，好鑊氣！午市客飯送野飲，但凍飲加$2。