悦川

Open Now

Now Closed

今日同老婆去左呢度食lunch。叫左午市套餐既酸菜魚片同田雞香鍋。香鍋田雞$65 有川菜風味又唔算太重口，唔會太辣，適合港人口味。田雞量合理唔會覺得好少，值得一試。但始終係川菜所以都幾油，減肥人事要諗諗。酸菜魚片$68 魚片份量感人，另外配料有萵筍、寬粉、酸菜、豆芽等，味道好唔會太辣，但稍為多油左，非常值得推薦👍凍檸茶唔會好細杯，唔叫少甜都唔會太甜。環境舒服午市唔會好多人，有卡位坐。要留意既係午市套餐只係星期一至五提供，星期六日食酸菜魚就要叫2-3人份量個d啦。