貝‧料理 (Closed)

最近好多人食呢間新開主打新鮮貝類嘅「貝料理」，師傅每日都會揀選時令新鮮來貨，以西日Fusion 煮法突出每種貝類嘅口感同鮮味。今次就試咗午市套餐，佢哋嘅午市套餐有三款，有松、竹、梅😍 我就揀咗松😋松 $280前菜-時令貝蕃茄野菜沙律🥗沙律好大碟，蕃茄幾甜，沙律菜都好新鮮，仲有一大片北寄貝。帶子貝伴日本漬物帶子貝伴日本漬物係帆立貝粒配日本蒜頭，帆立貝粒幾大粒，好鮮甜，配日本蒜頭幾特別🥰季節貝湯呢個湯好濃郁，飲落有啲似龍蝦湯，加埋貝柱同昆布令湯更鮮甜😋日式清酒煮蜆有三隻大蜆，每隻都好厚肉，蜆肉鮮甜無沙，加清酒煮更加突出鮮甜味。鐵板燒智利鱸魚配貝炒野莱智利鱸魚煎到外皮好香脆，仲可以點黑松露沙律醬，魚肉充滿油香，肉質好嫩滑，有少少入口即溶嘅感覺，好似食緊比目魚咁😝 另外配上貝炒野菜，有珊瑚蚌，份量都好多🥹鐵板燒貝類炒飯最後仲有鐵板燒貝類炒飯，可以望住師傅炒👍🏻 炒飯都有帶子粒好有誠意，炒到飯粒分明，金黃香口，好食😋