鮨白鳥 (Closed)

【鮨白鳥】午市幾抵食嘅Omakase，星期六lunchtime都係七百幾蚊埋單，性價比唔錯😳除咗有濕紙山外，佢哋亦好貼心為每一位客人準備咗一支消毒手嘅噴噴，確保手乾淨可以落手食😂我地叫既Omakase係桔梗 Kikyou包括有小鉢，刺身，茶碗蒸，壽司八款，手卷，麵豉湯同埋甜品🍮茶碗蒸味道偏淡，而且入面嘅料比較少，較遜色~刺身我覺得幾款都好食，尤其係生蠔🦪超大隻，入口啖啖肉而且幾鮮甜👍🏻 敗筆位係我同fd都食到蠔殼🥲 如果唔係就perfect池另外吞拿魚+wasabi淮山都幾特別。兩隻夾埋一齊食都幾好食，一個係淋身既呑拿魚，一個係爽口嘅淮山，夾埋一齊食又有另一凡風味😚壽司分別有金目雕，鰤魚，黑龍魚，煙燻深海池魚，針魚，帶子 ，牡丹蝦，吞拿魚醬油漬•赤身，中拖羅同大拖羅🍣當中覺得有幾樣幾出色👍🏻帶子壽司超大粒帶子，而且落咗啲青檸汁，味道幾清新牡丹蝦🦐呢個係我同friend都覺得成個餐最好食既一樣野😳 師傅先拆開隻蝦，然後燒咗啲蝦膏，再將蝦膏放落蝦肉上面。蝦膏嘅香味係個口到迴盪，韻味猶存，超好食！最後就係拖羅家族🤣三款拖羅入面都係大拖羅口感係最好，始終係最肥嘅部位😹 食落去嘅感覺會比較淋身啲