Video
Read full review
2021-10-13
1326 views
老父話：好想食一次點心放題哦～好！我記住了。精挑細選、檢視了各方食評之後，揀了這間性價比相對高(我認為)的御名園（佢分店不少，但不是間間有做放題）網上訂了碌卡訂了3位12:30 (平日$138一位, weekend$148)去到需再付茶錢(平日$11位)及加一。為咗方便父母前往，我仲打咗地鐵出口教學(90%室內冷氣路線)：荔枝角D出口→白色隧道走到底→扶手電梯上→(右邊)萬寧方向→美心→惠康→Baleno→星巴克→扶手電梯落→美聯→出商場→過馬路→(向右)碧海南天AEON(L004舖)(約15分鐘)順手貼埋出黎, 俾唔識去既朋友參考下。外表睇以為好細間，入到去發現面積都幾大，好深。人山人海，全場坐滿，記得預先訂檯。3個人俾咗張好大既檯(坐得落6個人)，唔會密質質，座位亦好舒適，讚！茶具都頗精緻，用的茶亦清香可口。招呼都算周到，舉手有人應，間中有人主動收碟。最欣賞係一個點心都冇漏單唯一缺點係比較多小飛蟲，衛生宜改善喇。見到隔離枱浪費了好多食物，極心痛，極鄙視。我地唯一的宗旨是：絕不浪費！第一轉小試牛刀每樣嗌小小。呢間野好處係點單既單位down to １件／１位。唔係迫人食晒成籠3-4件。
好！我記住了。
精挑細選、檢視了各方食評之後，
揀了這間性價比相對高(我認為)的御名園
（佢分店不少，但不是間間有做放題）
網上訂了碌卡訂了3位12:30 (平日$138一位, weekend$148)
去到需再付茶錢(平日$11位)及加一。
為咗方便父母前往，我仲打咗地鐵出口教學(90%室內冷氣路線)：
荔枝角D出口→白色隧道走到底→扶手電梯上→(右邊)萬寧方向→美心→惠康→Baleno→星巴克→扶手電梯落→美聯→出商場→過馬路→(向右)碧海南天AEON(L004舖)(約15分鐘)
順手貼埋出黎, 俾唔識去既朋友參考下。
外表睇以為好細間，入到去發現面積都幾大，好深。人山人海，全場坐滿，記得預先訂檯。
3個人俾咗張好大既檯(坐得落6個人)，唔會密質質，座位亦好舒適，讚！
茶具都頗精緻，用的茶亦清香可口。
招呼都算周到，舉手有人應，間中有人主動收碟。
最欣賞係一個點心都冇漏單
唯一缺點係比較多小飛蟲，衛生宜改善喇。
見到隔離枱浪費了好多食物，極心痛，極鄙視。
我地唯一的宗旨是：絕不浪費！
第一轉小試牛刀每樣嗌小小。
呢間野好處係點單既單位down to １件／１位。
唔係迫人食晒成籠3-4件。
每位會送灌湯餃、一籠三件既點心。
叫浸湯餃比較合適，灌湯餃皮有點軟爛，但湯好鮮甜，好食但有點飽肚。
紅色的鯪魚球口感好特別，皮表好脆，中間有流心芝士，芝士味同鯪魚味都不濃，不愛吃鯪魚味的我覺得唔錯。
梨型係咸水角黎，等我唔知仲另外嗌多咗個咸水角，飽。外型可愛，味道可圈可點，都算炸得唔錯，冇反炸溢油之感。
簡介一下有咩係我推介:
胡椒豬肚（上圖右）：好暖胃，足料，胡椒微辣，豬肚洗得乾淨、唔羶。呢個我嗌咗兩次。但寫1位同2位佢俾既份量都差不多。
鮑汁鳳爪(上圖中)好食過海皇醬蒸鳳爪，
海皇醬蒸我嫌佢啲汁瓊住晒，鮑汁好食好多。
湖南桂花鮮淮山（上圖右上角）清甜爽口，桂花味香。
陳醋秋葵貓耳朵(上圖右下角）
全碟沒有秋葵，只有秋葵滑潺潺的汁，貓耳朵是黑木耳
鮮味蝦餃皇：皮薄餡靚，冇蒸過龍，一啖一隻食得好爽，yum。燒賣有啲實，冇蝦餃好食。
原隻鮮蝦滑腸粉：回本之作，爽口彈牙，蝦肉大大隻好新鮮。魷魚鬚佢炸得好樣衰，但食落係OK正常的。
抹茶餅(上圖右）表面有啲芝麻，好香口，入面軟糯，口感非常好。
然而十分飽肚，注意點單份量。
芋絲脆軟夾（上圖左），表面鬆脆，中間係芋蓉，老父好欣賞呢個，然而又係極飽肚既，而且凍咗味道會大打折扣。
份量有少少難掌握，例如我淮山我嗌咗兩次，
第一次寫2位，黎咗4條
第二次寫1位，黎咗5條
總結
叫了一大檯食物，全部食晒。埋單時要另俾茶錢和加一3位$75(平日)，佢收消費券。
老父表示大滿足：「呢間嘢幾好喎～」為女深感安慰。
都不枉我做咁多功課格晒價乜乜乜。
我會建議佢加返馬拉糕、奶皇飽呢啲，平＋飽肚但多人食既點心落放題度（今日食，佢係冇呢兩樣）。
其實我睇佢既餐牌，正常飲茶的話，特點都只是$33.8(平日午市)，不算太貴，而且會有啲好似紅米腸咁精緻些少既野食，如果細食的話，飲茶都係唔錯的選擇。
Post
