Video
Read full review
2009-03-13
我係熟客, 由佢地開張一直幫襯至而家。一直以來, 食物o既水準都唔差, 只不過因為佢地強調健康, 唔會落重手調味, 所以久不久就有人話o的o野味道淡。但係, 最起碼, homemade cake 同埋鴨胸, 都一直係水準以上。至於服務, 如果大家係去晚市就冇事o既, 因為會係一位後生仔同兩位後生女負責番。但係午市果位叔叔, 就一直以來有問題... 唉...我睇番呢度好幾篇批評服務方面o既食評, 矛頭其實都係指向午市果同一位阿叔。其實由以前直接落單到近期改成做自己"剔紙仔", 我懷疑都係因為果位阿叔成日落錯單, 所以不如等o的客自己剔 (兩位美少女要落廚, 好難兼顧樓面)..... 我亦試過, 我張檯叫左兩客鴨胸, 隔離檯遲過我五分鐘到, 佢地又係叫兩客鴨胸, 點知廚房焗好兩客鴨胸出黎, 阿叔竟然拎左俾隔離檯先, 我真係激到啤一聲...... 不過見兩位美少女一直都好努力經營呢間"實現夢想"o既小 cafe, 我只好忍住, 埋單時先至嚴正地同阿叔講: 「你知唔知係頭先咁樣, 好易連我呢o的熟客都得失埋?」而阿叔o既反應只係笑笑口「唔好意思唔好意思」。我都唔想針對阿叔, 但係兩位美少女咁俾
一直以來, 食物o既水準都唔差, 只不過因為佢地強調健康, 唔會落重手調味, 所以久不久就有人話o的o野味道淡。但係, 最起碼, homemade cake 同埋鴨胸, 都一直係水準以上。
至於服務, 如果大家係去晚市就冇事o既, 因為會係一位後生仔同兩位後生女負責番。但係午市果位叔叔, 就一直以來有問題... 唉...
我睇番呢度好幾篇批評服務方面o既食評, 矛頭其實都係指向午市果同一位阿叔。其實由以前直接落單到近期改成做自己"剔紙仔", 我懷疑都係因為果位阿叔成日落錯單, 所以不如等o的客自己剔 (兩位美少女要落廚, 好難兼顧樓面).....
我亦試過, 我張檯叫左兩客鴨胸, 隔離檯遲過我五分鐘到, 佢地又係叫兩客鴨胸, 點知廚房焗好兩客鴨胸出黎, 阿叔竟然拎左俾隔離檯先, 我真係激到啤一聲...... 不過見兩位美少女一直都好努力經營呢間"實現夢想"o既小 cafe, 我只好忍住, 埋單時先至嚴正地同阿叔講: 「你知唔知係頭先咁樣, 好易連我呢o的熟客都得失埋?」而阿叔o既反應只係笑笑口「唔好意思唔好意思」。
我都唔想針對阿叔, 但係兩位美少女咁俾心機打理間小店, o的蛋糕又整得咁好, 熱咖啡又咁好飲, 鴨胸又咁好食, 如果只係因為果一位阿叔o的 service 差, 攪到趕晒客, 我會好戥兩位美少女唔抵囉。
大家如果怕 service 差, 去晚市啦。因為晚市唔係果位阿叔做樓面。
Post