Video
Read full review
2023-04-30
2044 views
都真喺好耐無過嚟九龍城食嘢啦，就算屯馬線開通咗咁多年，呢區都甚少作為搵食首選，唔喺唔方便，我搭屯馬線過嚟都好快，喺無咗嗰種慣性啫。最近就同老友過嚟走訪一下食日本菜，因為有間日本餐廳「三和叙」開業好幾年，風評不錯，睇落都好有質素，環境又舒服。單睇門面，已覺得有種好高級嘅感覺，入到裡邊 你唔好以為地方細細，經侍應解釋，其實餐廳喺樓高5層，地下喺專做爐端燒，上一層喺做鐵板燒，再上多層就專做壽司，每一層裝修都各有風格，裝修雅致，加上牆上掛咗唔少畫作，甚具和風風情，而且，都以席前料理嘅吧枱為主，可以更多機會同廚師直接交流。仲有兩層無咁大嘅，正正間成獨立廂房，啱啱有一間未有客，侍應唔介意帶我哋參觀吓，原來又幾寬敞，仲佈置到好似一個家居客廳咁，非常啱一大班老友聚一聚。再者，呢度啲服務幾熨貼，侍應亦好殷勤有禮，讓人用餐舒服。食物方面，午市主要喺供應套餐，包括多款特選午市御膳、季節廚師推介御膳、其他刺身或壽司御膳，以及唔介意豪少少嘅，可以揀廚師發辦。此外，仲有爐端燒午市御膳、鐵板燒午市御膳，總之選擇非常之多，豐儉由人，絕對符合所有人嘅喜好。而所有御膳都會奉上有機野菜沙律、季節湯、茶碗蒸、甜品，以及指定飲
單睇門面，已覺得有種好高級嘅感覺，入到裡邊 你唔好以為地方細細，經侍應解釋，其實餐廳喺樓高5層，地下喺專做爐端燒，上一層喺做鐵板燒，再上多層就專做壽司，每一層裝修都各有風格，裝修雅致，加上牆上掛咗唔少畫作，甚具和風風情，而且，都以席前料理嘅吧枱為主，可以更多機會同廚師直接交流。
仲有兩層無咁大嘅，正正間成獨立廂房，啱啱有一間未有客，侍應唔介意帶我哋參觀吓，原來又幾寬敞，仲佈置到好似一個家居客廳咁，非常啱一大班老友聚一聚。再者，呢度啲服務幾熨貼，侍應亦好殷勤有禮，讓人用餐舒服。
食物方面，午市主要喺供應套餐，包括多款特選午市御膳、季節廚師推介御膳、其他刺身或壽司御膳，以及唔介意豪少少嘅，可以揀廚師發辦。此外，仲有爐端燒午市御膳、鐵板燒午市御膳，總之選擇非常之多，豐儉由人，絕對符合所有人嘅喜好。而所有御膳都會奉上有機野菜沙律、季節湯、茶碗蒸、甜品，以及指定飲品，所以，每一份御膳都非常豐富。
雖然只喺食個午餐，但都做得一絲不苟，枱上擺放好精緻嘅餐具，配上玄米茶，就連杯墊都繡咗餐廳名字。我哋點咗兩份御膳，都喺打算一齊共享，侍應好醒目即時另外俾多兩隻碗我哋。
有機野菜沙律（御膳）雖然都喺啲野菜，不過，都食到質素嘅高下，寫明有機，成本自然又要高啲啲，除咗基本嘅沙律菜、車厘茄，仲加咗啲蒟蒻粒、藜麥、松子仁嚟增加口感，淋上柚子醋，酸酸咪味食落好清爽開胃。
季節湯（御膳）都估佢喺麵豉湯，但唔喺就咁普普通通嘅麵豉湯，除咗麵豉味好香濃之外，湯內更有唔少昆布、腐皮同豆腐粒，味道豐富，食完個沙律再嚟暖和一下腸胃，喺好好嘅配搭。
茶碗蒸（御膳）茶碗蒸喺好多定食嘅一個必然出現菜式，其實好多時都喺大同小異，不過，高下在於用料。先講講個「茶碗」非常精緻，配以小木羹，裡面嘅蒸蛋非常之嫩滑，又具蛋香，除咗有冬菇、雞肉、銀杏、帶子粒，仲加咗少少魚翅，自然高檔咗，又好食咗。
茶碗蒸
15 views
0 likes
0 comments
特製免治雞肉棒 $68睇見啲食評都讚呢度啲爐端燒好有一手，而免治雞肉棒亦喺招牌作之一，點一客開心「些牙」。睇落燒得好靚仔，有炭火香，咬落肉質真喺好鬆化嫩滑，又富肉汁，外層仲有少少焦脆感，攪勻月見同醬油，沾上之後食味更加一流。
特製免治雞肉棒
$68
26 views
0 likes
0 comments
雜錦天婦羅配熱稻庭烏冬御膳 $228爐端燒果然有一手，咁啲炸功又點呢？所以就試咗一款天婦羅御膳配稻庭烏冬，寫明有2件隻蝦、1件鱚魚、3件野菜，野菜就俾咗冬菇、南瓜、蕃薯，其實睇啲天婦羅外觀已經覺得有水準，因為炸漿好薄，食落一啲都唔油，可以講喺炸功了得。
雜錦天婦羅配熱稻庭烏冬御膳
$228
21 views
0 likes
0 comments
啲大蝦又新鮮又爽彈，好有蝦鮮味，而鱚魚食落都好唔錯，十分鮮甜；南瓜更喺極之粉甜，確喺靚料，至於冬菇同蕃薯，友人試過亦都讚好。講到啲稻庭烏冬，外貌比較幼身少少，但喺入口非常之滑溜，咬落帶少少韌勁，配以木魚清湯，已好好食。
松葉蟹肉鮑魚釜飯御膳 $298小弟就唔喺第一次食釜飯，反而朋友就第一次喇，其實可以講喺日式煲仔飯，但當然整個賣相就有睇頭多啲。侍應教路叫我哋焗多陣，咁樣可以有多啲飯焦。
松葉蟹肉鮑魚釜飯御膳
$298
10 views
0 likes
0 comments
打開蓋面，除咗有大大隻鮑魚切咗片之外，仲鋪滿晒松葉蟹蟹肉，真喺啱晒我呢類懶得拆蟹，但又想食蟹嘅人，啲蟹肉真喺幾正，既鮮甜，又帶有啲啲海水鹹鮮味，啖啖蟹肉食得爽呀！而啲鮑魚炆得好軟腍，但咬落有煙韌感，加上入晒味，一個字：正呀！加埋啲飯粒圓潤軟綿，又有點黏糯感，底下有唔少飯焦脆，卜卜脆，食得過癮。
甜品（御膳）定食包埋甜品唔喺咩特別嘢，但奉上嘅甜品喺水信玄餅就甚驚喜，絕對喺一個亮點。整客甜品賣相標緻，而水信玄餅晶瑩剔透，伴以黑糖漿及黃豆粉，入口超滑溜，味道甜蜜，確喺好食。仲記得第一次食嘅時候喺晌大坑嘅「八寸料亭」，不過，已喺近7、8年前嘅事喇。
水信玄餅
14 views
0 likes
0 comments
個午市御膳仲包埋飲品，可以揀汽水、咖啡及一啲特飲，有級數即喺有級數，單喺睇見我哋兩杯餐飲已屬於高檔次啦。我就揀咗飲巨峰，味道幾唔錯，提子味頗為清甜，飲落卻喺好清爽，正正襯返頭先個釜飯嘅濃味。
無論食材嘅用料、烹煮嘅功夫，以及侍應嘅服務 ……等等，都喺屬於高檔次嘅水平，加上環境舒適，幫襯嘅都喺斯文客多，所以，更添清靜，故此同朋友食完都仲坐多陣，傾吓偈，享受一吓。
Post
