伊賀日本燒肉料理 (Closed)

好耐冇食燒肉放題啦💕既然近排生左咁多暗瘡係臉，都唔差在再食熱氣野啦😂平時食放題大部分都會去旺角，旺角去得多，今日男朋友就帶左我黎尖沙咀既伊賀😆位置好易搵，k11一出行過一條街就到啦。食物款式幾多選擇，除左有肉類，海鮮，蔬菜，炸物，小食之外，仲可以加錢叫刺身丼飯。甜品仲有驚喜😍男朋友就係知有呢樣甜品所以專登帶我黎😘首先講講肉類。份量好體貼，叫1份會有兩小塊，方便我地兩個每樣試少少。唔洗驚食得太飽，留肚試多d食物。豬頸肉推介! 本身加左調味，唔洗額外點醬都已經好好味。相反豬大腸比較失色，唔知係咪我地燒得太耐，幾舊都硬骨骨，又咬唔爛。再黎係蔬菜。牛油粟米冇得輸呀😍😍好耐冇係街食過咁香牛油味既粟米，麥當勞完全冇得比。本來想叫多兩三碟，可惜要留肚俾我的最愛，所以都冇加😂講到炸物，就係期待已久既榴槤球啦😘😘估唔到榴槤球咁足料，入面既榴槤肉比其他放題餐廳多。另外香芋球都唔錯，係放題必點食物呀。餐廳仲可以點醬料😏😏鍾意食蒜或沙律醬既人必點!!刺身都有得食😎雖然質素唔係太好，不過燒烤食下刺身都幾過癮呀。仲有唔同壽司同物選擇