緣味小聚 (金百利廣場) (Closed)

今日阿妹過嚟搵我食Lunch，由於我地呢排都去咗旅行，手緊，所以就搵到呢間都算係抵食嘅午市套餐食蒸飯，一籠蒸飯，配蒸點心，仲有灼椰菜。仲有嘢飲。我地都覺得抵食，再加上宜家出去食飯呢，好少有菜食。所以我地可以食到熱辣辣嘅蒸鍋再加一碟菜真係幾滿足。我就揀咗蒜香開邊蒸大蝦飯，隻蝦大唔大隻我就唔係好介意，食得鮮甜就足矣。蒜香再加啲豉油撈飯就一流啦。阿妹都幾鐘意食佢啲蒸點心，有幾款糕點嘅，包括馬拉糕，菜苗餃，燕麥糕，蒸粉果，一樣一件，淺嘗即止，唔會覺得飽滯。