韓牛牧場 (Closed)

當你想食韓燒，但又唔會食得唔多，同埋唔俾多咗錢食韓燒放題？定量午市餐絕對係好選擇。今次我就去咗銅鑼灣登龍街嘅韓牛牧場食1++韓牛韓燒定量午市餐。依個餐係二人份量。套餐包括咗韓牛牛肋骨肉、韓牛肩甲、西班牙黑豚五花腩、韓式雞腿肉、虎蝦、半殼青口，仲有啲新鮮野菜。除此之外、套餐仲包咗飲品、沙律、前菜、小食同飲品任食。沙律菜都好fresh、而前菜、小食都叫多選擇。韓牛牧場同大部分韓燒食肆唔同之處，在於佢哋用光波爐代替火爐/電爐。用光波爐嚟燒肉同野菜，好處在於比較容易控制時間，油煙亦相對較少，野菜燒好後仍能保持水份。店員建議韓牛牛肋骨肉同韓牛肩甲半熟就可以，所以牛肉喺爐上轉一至兩個圈，將肉反轉再轉多一個圈，就剛剛好。唔食燒肉，都可以選擇丼飯。除咗燒肉，仲叫咗一客極上火炙七色丼。七色丼有韓牛、海膽、帶子、三文魚、油甘魚、鰻魚同蟹棒，非常之豐富，各款都非常鮮味。而飯係有味飯、所以都唔需要再落豉油。