太爺雞 (Closed)

happy friday同同事嚟太爺雞叫餸食飯，早一日訂左位，嚟到全場滿座，非常多人同熱鬧，等左5分鐘左右入座，雖然人多但都唔算擠迫，幾好。小菜都有好多選擇，味道唔差。各叫左半隻豉油雞同醉雞試試，半隻size都唔細，咁大隻雞但估唔到都唔鞋，豉油雞勁入味又滑，肥瘦適中，果然係招牌菜。醉雞呢都好食，同時又有藥膳味都幾重，如果唔鐘意藥味就留意啦。另外蠔餅都值得推介。提提大家呢度唔收卡只收現金。