Video
Read full review
2017-12-20
303 views
午餐時間經過大友街，頭痕緊食乜之際，見到門口廣告牌，有便當食，仲要係48蚊超多野㨂，唔使諗直接衝左入去😂。估唔到工廠區有如此清泉，環境好新好光猛，感覺乾淨企理，應該開左無耐。午市套餐, 全部48蚊咋😚仲唔收加1, 選擇好多，有拉麵，便當，焗飯等等，總有一款啱你心水。茶水自助，非常方便。出面完來仲有湯飲，超開心！湯有兩款，忌廉湯同羅宋湯。✨忌廉湯： 其實真係飲唔到咩味，唔係粟米又唔似南瓜，係好唔忌廉既忌廉湯😓佢仲要有陣煲燶左底既𤓓味，希望好好改善下。✨羅宋湯：呢個好飲好多，味道正常。不過同事們覺得太咸，我覺得酸度ok, 幾濃味，不過不失，一碗就夠皮喇。佢個上菜速度都幾快，我叫左個黑蒜豬骨濃湯博多拉麵，賣相都幾吸引。✨湯底其實就普普通通，48 蚊點會比到豬骨濃湯你，都唔能夠期望太高。不過佢個麵都幾有咬口，軟硬適中，最驚喜佢入邊有半隻溏心蛋，完全食到半流心既效果，幾嫩滑。✨叉燒好薄，有兩塊，有炙燒過既香味。食落半肥瘦算幾腍身，呢個價錢有呢個質素都算係誠意之作。✨跟餐仲有沙律，有蜜桃，紅腰豆同梨。個梨我覺得太腍了，口感不太好。同事食鰻魚便當，我試左啖鰻魚都幾好味，好肥美，不過便當份量就比較細，
估唔到工廠區有如此清泉，環境好新好光猛，感覺乾淨企理，應該開左無耐。
午市套餐, 全部48蚊咋😚仲唔收加1, 選擇好多，有拉麵，便當，焗飯等等，總有一款啱你心水。
茶水自助，非常方便。
出面完來仲有湯飲，超開心！湯有兩款，忌廉湯同羅宋湯。
✨忌廉湯： 其實真係飲唔到咩味，唔係粟米又唔似南瓜，係好唔忌廉既忌廉湯😓佢仲要有陣煲燶左底既𤓓味，希望好好改善下。
✨羅宋湯：呢個好飲好多，味道正常。不過同事們覺得太咸，我覺得酸度ok, 幾濃味，不過不失，一碗就夠皮喇。
佢個上菜速度都幾快，我叫左個黑蒜豬骨濃湯博多拉麵，賣相都幾吸引。
✨湯底其實就普普通通，48 蚊點會比到豬骨濃湯你，都唔能夠期望太高。不過佢個麵都幾有咬口，軟硬適中，最驚喜佢入邊有半隻溏心蛋，完全食到半流心既效果，幾嫩滑。
✨叉燒好薄，有兩塊，有炙燒過既香味。食落半肥瘦算幾腍身，呢個價錢有呢個質素都算係誠意之作。
✨跟餐仲有沙律，有蜜桃，紅腰豆同梨。個梨我覺得太腍了，口感不太好。
同事食鰻魚便當，我試左啖鰻魚都幾好味，好肥美，不過便當份量就比較細，男士未必夠飽。佢跟餐個蒸蛋都好嫩滑好好味。
焗飯我見人食都好大兜，下次我都係黎試飯餐先。
Post
