煲底海鮮火鍋料理 (Closed)

晚市禁堂食真係好唔方便,仲要唔知會禁到幾時,有時想同朋友食質素好少少嘅打邊爐都要通常等到晚市先有,好彩比我發現原來而家午安市都有得食高質嘅火鍋套餐。價錢唔貴＄788仲包埋加一同埋醬料費,湯底嘅選擇都幾多,呢排天氣咁凍我就揀咗養生嘅花雕醉雞鍋,湯底好濃嘅花雕酒香,呢個湯底仲跟咗半隻雞。小食方面我揀咗自家製椒鹽墨魚腐。肉類方面有4種選擇,有豬或牛,我揀咗頂級手切安格斯肥牛,油脂分布平均,有牛味。另外火鍋配料嘅選擇都幾多可以自選6款,雖然份量係半份,不過其實兩個人食真係超夠依家原來仲要送乾杯蠔,D杯鮮甜肥美。個套餐仲包2杯生啤或者特飲。