Video
Read full review
2023-09-11
64 views
呢間火鍋店之前淨係做開晚市火鍋🥘，而家新增咗午市點心，暫時得天后同尖沙咀分店有！餐廳環境闊落舒服，裏面主要都係大圓枱，亦都有卡位，幾適合一大班人嚟聚餐，傾偈都可以傾得舒服啲！呢度嘅點心由星級師傅文龍主理，將傳統嘅美食融合創新嘅製法，製成一道道精美點心，用料幾高質，而且價錢實惠，性價比好高！點心有幾多種類，有好多都係第一次試嘅花款，由傳統嘅蒸點到炸物，甚至係蒸飯🍚都有，好適合帶屋企人嚟飲茶！🏠------------------------------💕◖竹炭流沙包◗ $28一籠有三件，每粒到好飽滿脹卜卜咁，裏面嘅流沙餡幾特別，好香蛋黃味🍳，食到粒粒起沙嘅感覺，推薦！💕◖傳統馬孻糕◗ $28 馬拉糕好鬆軟，頗有回彈力，黃糖嘅香味出晒嚟💕◖蜜味叉燒包◗ $28佢嘅餡料都幾足，唔會剩係得叉燒醬，真係有粒粒嘅叉燒喺裏面，外皮亦都唔會好厚💕◖厚切金粟叉燒腸◗ $38呢個腸粉傳統得嚟又有啲特色，米漿好香好滑，裏面係原片嘅叉燒片🍖，有啲炭燒味，加入咗粟米粒，口感味道都比較有層次！💕◖冬筍活剝鮮蝦餃皇◗ $26 蝦餃外皮好薄好煙韌，裏面有兩大粒蝦肉🍤，鮮甜彈牙💕◖蟹肉帶子露荀餃◗ $38餃
呢度嘅點心由星級師傅文龍主理，將傳統嘅美食融合創新嘅製法，製成一道道精美點心，用料幾高質，而且價錢實惠，性價比好高！點心有幾多種類，有好多都係第一次試嘅花款，由傳統嘅蒸點到炸物，甚至係蒸飯🍚都有，好適合帶屋企人嚟飲茶！🏠
------------------------------
💕◖竹炭流沙包◗ $28
一籠有三件，每粒到好飽滿脹卜卜咁，裏面嘅流沙餡幾特別，好香蛋黃味🍳，食到粒粒起沙嘅感覺，推薦！
💕◖傳統馬孻糕◗ $28
馬拉糕好鬆軟，頗有回彈力，黃糖嘅香味出晒嚟
💕◖蜜味叉燒包◗ $28
佢嘅餡料都幾足，唔會剩係得叉燒醬，真係有粒粒嘅叉燒喺裏面，外皮亦都唔會好厚
💕◖厚切金粟叉燒腸◗ $38
呢個腸粉傳統得嚟又有啲特色，米漿好香好滑，裏面係原片嘅叉燒片🍖，有啲炭燒味，加入咗粟米粒，口感味道都比較有層次！
💕◖冬筍活剝鮮蝦餃皇◗ $26
蝦餃外皮好薄好煙韌，裏面有兩大粒蝦肉🍤，鮮甜彈牙
💕◖蟹肉帶子露荀餃◗ $38
餃子餡料都幾足，蟹肉同帶子好鮮，加入露筍，食落爽甜
💕◖姬松茸湯浸韭菜餃◗ $32
有四粒韭菜餃🥟用姬松茸湯泡煮，韭菜餃皮夠薄夠甜，加上菌菇嘅香味，食材之間嘅味道好夾！
💕◖脆皮麥心小煎堆◗ $38
煎堆細細粒，一口嘅size，外面裹上芝麻好香口，咬開裏面包咗一粒麥提莎🍫，當做甜品啱啱好
💕◖脆炸墨蝦荔枝球◗ $42
外型成個荔枝咁好過癮🤣，一粒粒紅色嘅係類似脆米嘅東西，包裹住墨魚蝦滑，好彈牙爽脆
💕◖冰梅炆豬手◗ $26
豬手🐖炆得好軟腍，容易咬開，滿滿嘅骨膠原，用咗冰梅去炆煮，酸酸甜甜咁，超開胃！
💕◖懷舊芝麻卷◗ $24
覺得黑蚊蚊嘅芝麻卷好吸引，咬落帶有淡淡嘅芝麻香，同埋有少少沙沙嘅口感，但覺得唔太煙靭，芝麻香氣都略為遜色～
🌟 Encore指數：8.7/10
Post
