麻浦元祖 (Closed)

今日放假同老公去睇早場，之後心思思想去食韓燒，就過了去亞士厘道的麻浦元祖食午餐。因為得兩個人，食唔到幾多，所以索性點了一個生肉拼盤，有五款的肉食及包一款韓式湯。店員會先送上韓式小食，有泡菜、薯仔粒及涼菜，另外還有烤肉醬汁。亦會在燒盤旁邊加上蛋漿及芝士。純豆腐海鮮湯本以為會幾辣的湯，千萬別給它表面的紅油嚇唬，其實辣味非常輕微，裏面有一磚磚香滑豆腐，海鮮分別是蜆、墨魚仔等，味道鮮甜開胃。生肉拼盤特級生牛肋骨原條連骨一起上，沒有醃過，所以原汁原味，肉質嫩腍，醮上粗鹽就已經好夠味。雪花牛肉雪花紋理清晰，油脂會太多，充滿牛油香味，肉香較濃郁。牛脷薄薄一片，兩面各燒廿秒就可以食，煙韌有咬口。熟成五花肉豬腩肉肥瘦均勻，燒出大量的油脂，以生菜包裹，加上麵豉醬可減輕油膩感。黑豬梅花肉油脂較少，豬肉比較腍，但不及五花肉香口。