Video
Read full review
2024-04-24
241 views
😐回頭度：3/10😐 - 呢排喺尖沙咀返工所以有周圍搜羅下有咩快、靚、正嘅餐廳，仲要最好就可以容易有5位或以上嘅枱嘅！😂 咁某日食完飯就去半島中心行下，睇下發唔發掘到新餐廳啦 行行下就見到長今會所，本身離遠望到以為係雀館嚟，點知原來有lunch menu嘅，除咗恆常嘢食之外，每日仲有「特價午市套餐」，仲要大把位，所以就約定大家第二日去試下啦～ - 當日就抱住滿懷期待嘅心去呢到食晏，我哋一行有五人，一去到就俾咗間房我哋，都幾闊落㗎 我就叫咗個$50嘅「鹽焗雞飯」，心諗咁正路嘅嘢應該唔會伏得去邊啦 點知碟飯一嚟到，個賣相已經好差，啲雞部位散亂，一睇就知係喺一大堆雞到求其夾啲就放上碟，頹到... 味道上就好一般，肉質偏乾、柴.... 而最重點係嗰堆雞入面有兩件係雞頸嚟嘅！依家呢個年代碟頭飯仲會上雞頸俾客食係咩玩法！😂 整個用餐體驗都好差，快快脆食完走人算～ 走咗之後大家都一致決定冇下次，就知呢間quality係點啦😅😅 食完終於明白點解呢間咁易搵到位😂😂
-
呢排喺尖沙咀返工所以有周圍搜羅下有咩快、靚、正嘅餐廳，仲要最好就可以容易有5位或以上嘅枱嘅！😂
咁某日食完飯就去半島中心行下，睇下發唔發掘到新餐廳啦
行行下就見到長今會所，本身離遠望到以為係雀館嚟，點知原來有lunch menu嘅，除咗恆常嘢食之外，每日仲有「特價午市套餐」，仲要大把位，所以就約定大家第二日去試下啦～
-
當日就抱住滿懷期待嘅心去呢到食晏，我哋一行有五人，一去到就俾咗間房我哋，都幾闊落㗎
我就叫咗個$50嘅「鹽焗雞飯」，心諗咁正路嘅嘢應該唔會伏得去邊啦
點知碟飯一嚟到，個賣相已經好差，啲雞部位散亂，一睇就知係喺一大堆雞到求其夾啲就放上碟，頹到...
味道上就好一般，肉質偏乾、柴....
而最重點係嗰堆雞入面有兩件係雞頸嚟嘅！依家呢個年代碟頭飯仲會上雞頸俾客食係咩玩法！😂
整個用餐體驗都好差，快快脆食完走人算～
走咗之後大家都一致決定冇下次，就知呢間quality係點啦😅😅
食完終於明白點解呢間咁易搵到位😂😂
Post
