長今會所

Open Now

Now Closed

😐回頭度：3/10😐 - 呢排喺尖沙咀返工所以有周圍搜羅下有咩快、靚、正嘅餐廳，仲要最好就可以容易有5位或以上嘅枱嘅！😂 咁某日食完飯就去半島中心行下，睇下發唔發掘到新餐廳啦 行行下就見到長今會所，本身離遠望到以為係雀館嚟，點知原來有lunch menu嘅，除咗恆常嘢食之外，每日仲有「特價午市套餐」，仲要大把位，所以就約定大家第二日去試下啦～ - 當日就抱住滿懷期待嘅心去呢到食晏，我哋一行有五人，一去到就俾咗間房我哋，都幾闊落㗎 我就叫咗個$50嘅「鹽焗雞飯」，心諗咁正路嘅嘢應該唔會伏得去邊啦 點知碟飯一嚟到，個賣相已經好差，啲雞部位散亂，一睇就知係喺一大堆雞到求其夾啲就放上碟，頹到... 味道上就好一般，肉質偏乾、柴.... 而最重點係嗰堆雞入面有兩件係雞頸嚟嘅！依家呢個年代碟頭飯仲會上雞頸俾客食係咩玩法！😂 整個用餐體驗都好差，快快脆食完走人算～ 走咗之後大家都一致決定冇下次，就知呢間quality係點啦😅😅 食完終於明白點解呢間咁易搵到位😂😂

呢度主要係比人打麻雀,中午蛇一蛇都係一個好去處落左地庫冇錦易比同事撞到環境就一般啦,中間幾張台,走廊一排台,如果想係尖沙咀經濟💰錦食過午餐呢到都幾好概$50就有個午市套餐古法蒸黃花魚🎏$50只能夠講同你自己去街市買條黃花返黎蒸唔貴得好多,係尖沙咀中午比埋例湯白飯 飲品你重想點😂條魚都夠食唔腥,有魚味講唔上,魚質都夠滑,同屋企蒸概差唔多,重搭兩條菜心 長今會所尖沙咀麼地道67號半島中心地下底層L32-40號舖電話號碼31029328#濠愛美食 #尖沙咀 #長今會所 #古法蒸黃花魚 #性價比 #平民恩物 #蛇王 #菜心 #例湯

難得同同事兩個一齊收夜，決定去食個宵夜飲杯啤酒。✌🏻✌🏻✌🏻而家嘅經濟環境，真係唔可以長期食好嘢。今日食個經濟版，平平哋又可以過癮下，呢個決定做得實在太好了。👍🏻👍🏻👍🏻其實以前不嬲都有幫襯開，自從疫情之後就好少嚟，再加上長今屬於麻雀會所，所以之前一段時間都冇開門😢😢😢首先想公平啲講一句，長今並不是什麼靚餐廳，其實佢只是一間平民價錢嘅茶餐廳及麻雀會所。不過呢間茶餐廳其實仲有潮州滷水食品，冬天仲有羊腩煲。另外幾鍾意呢度啲姐姐，個個都好醒，你唔講佢哋都好似知道你想要咩咁😊😊😊其實今日一心落嚟打冷，可惜我們收工晏咗，冇機會食佢嘅肥滷水鵝，不過唔緊要，唯有下次再嚟過👏🏻👏🏻👏🏻兩條麻甩佬，叫咗一碟豉油王鵝腸，一碟椒鹽牛仔骨，九支大啤酒(🤦🏻‍♂️🤦🏻‍♂️越飲越多，頂）差唔多四舊水埋單，坐得又舒服，其實真係好過去酒吧happy hour豉油王鵝腸，好明顯佢只係將鵝腸白灼再加豉油，雖然唔係預期咁樣，不過其實白灼鵝腸咁樣食都好好食👍🏻👍🏻👍🏻椒鹽牛仔骨，真心講有啲柴，有啲乾，不過幾十蚊鬆下啤酒都算係咁㗎啦👌🏻👌🏻👌🏻

昨晚試了係呢度打雀局，佢個房係將好多細舖頭改為打麻雀嘅地方，以地點同收費來講算係幾好，但係一入到嗰間房感覺好簡陋而且啲煙味好誇張，見到佢用嚟鋪喺枱面嘅毛巾亦都有好多茶漬，衛生環境麻麻哋，中間食飯嘅地方亦都好簡陋有點雜亂。後來見到佢前少少有一啲比較算係有裝修嘅房唔明點解佢唔俾嗰啲我而係比間咁肉酸嘅，最慘係嗰浸煙味返到屋企即刻沖涼洗頭，但係第二日呼吸都依然感覺到煙味留咗喺個身。至於食物亦都好一般，除咗地點同埋以尖沙咀區來講嘅收費算合理其他真係好唔掂

以前返工午餐的地方，原本隔離是茶餐廳-打冷震，但改變了一間bar潮州鹵味不錯，今次有機會晚餐食。三人食，叫了二人套餐(包鵝肉鹵味)加一小菜，每人$87環境唔靚，雀局房，空氣唔多流通，但抵食又大碟雖然無了打冷震，好在還有大廳，食小菜梅菜扣肉好多菜墊底，正!例湯足料，唔係例水原來每一間房有獨立廁所!

同六個朋友黎附近睇戲, 成十點先睇完, 但附近都冇咩地方食小菜, 仲可以坐吓, 吹吓水咁...就腳就去佐lu... 睇下個小菜牌, 哎? 好多小菜款, 但平均都唔洗 $40...正! 於是大貪D, 點左九樣餸, "九大鬼"呀...!!腐乳蒸雞 - 大量腐乳汁, 好香, 好濃,但一D都唔咸! 食晒...沙拉骨 - 佔滿了像是千島醬既醬汁,好味,出色既一碟!魚香茄子煲 - 幾香,亦夠惹味, 唔怕油既用黎撈飯食一流。蠔仔粥 - 直情潮州粥，米的份量較多….蠔仔的味道OK，中水平出品。鹵水拼盤 - 味道特別, 鹵水好入味, 鵝片夠多亦夠沐!!涼瓜牛肉 - 呢個真係平靚正，夠大碟, 好似我呀媽煮咁. Very Good然後仲有九菜豬紅、鵝腸、通菜鮮尤，白飯/粥連酒水, 食到飽 (係食到一点, 飲佐十二支大咩啤!!)加加埋埋都係五百幾??.. 抵食丫!!好reasonable